Шахмат дене Республикын первенствыже эртен

               Сергей Карякинын школыштыжо шахмат дене Республикын первенствыже эртен. Арня мучко шахмат школ республикысе йоча да самырык- влакын первенствыштым эртарен. Чылаже Йошкар-Ола, Волжск да районла гыч 140 утла еҥ ушнен. Нунын ийготышт 9 гыч 19 ияш марте лийын. Рушарнян сеҥыше- влакын лӱмышт пале лийын. Шахмат школ гыч Дмитрий Рыбаков 11 ияш марте таҥасыше- влак коклаште классике ден блицыште икымше, писе шахматыште кокымшо лийын. Иван Бородин 15 ияш марте спортсмен- влак коклаште блицыште кокымшо, классик шахматыште кумшо лийын. А Максим Волков 15 ияш марте рвезе- влак коклаште кум дисциплиныштыжат икымше верыш лектын.
            МарГУ-н фотожо.

Прошлые выпуски