«Газын эстафетыже» Марий Элыш толын шуын

                Курык марий район республикыштына эн ончыч «Газын эстафетыже» элнам газифицироватлыме кугу проектыш ушнен. Теҥгече «Газ эстафетын» факелжым Марий Эл вашлийын да Исуткансола, Лапсола, Пынгель Усола, Пынгельмычаш, Порандай яллаште илыше- влакым газ деке ушаш тӱҥалтышым пуымо. Районышто полсёлкыла кӧргысӧ газпучым кум меҥгат пеле кужытыш шупшмо. Тидыже 53 пӧртыш канде тулым  пуаш йӧным ышта. Исуткансола ялыште газым чӱктымӧ церемонийыште Марий Элым вуйлатыше Александр Евстифеев, «Газпром межрегионгаз» ушемын генеральный директоржын алмаштышыже Денис Волков участвоватленыт.     Александр Евстифеев палемден: Курык марий районышто газым пуртымо сомыл чолган ушнен толеш. 2019-ше ийыште 12 ял деке 17 меҥге кужыт газпучым пыштыме, кодшо ийын 7 пучым пашаш колтымо, 120 пӧртым пуч деке ушымо.      Денис Волковын мутшо почеш, вич ияш программыште 60 ялыш газым пурташ палемдыме. Тиддеч посна догазификаций программе шукталтеш. Тушко кок тӱжем наре йодмаш пурен. 120-жо Курык марий район гыч.  

Прошлые выпуски