Марий самырык театрыште у тургым почылтеш

              Марий самырык театрыште у тургым почылтеш. Кумло икымше тургым теҥгече кужун вучымо «Звёздный блин» спектакльын премьерыже дене тӱҥалеш.  Кугыен да йоча- влаклан почеламут дене возымо  сылнысеман йомакын авторжо Нина Ефарицкая. Сценылан Николай Смоленцев келыштарен. Шыжын эше ик эн первый постановкыжо- драматург Геннадий Гордеевын пьесыж почеш шындыме «Кок родо- пошкудо» спектакль ончыкталтеш. Премьерыже 4-ше да 5-ше сентябрьыште лиеш. Тургымын эше ик у пашаже «Сторож» драма. Тудын авторжо- режиссёр-постановщик, драматург Сеппо Кантерво. Премьерыже 9-ше сентябрьыште лиеш. А 12-шо сентябрь йоча да ача-аваштлан пайремыш савырна. Пушкинын «Кол ден колызо нерген йомакше» сценыш лектеш. Тудым Марий Элын калык артисткыже, режиссёр да драматург Зинаида Долгова ямдылен. Сентябрьыште театрым йӧратыше- влакым «30 ий. Эртыме корным ончалына» фестиваль- марафон вуча. Тушто марий драматургий, руш классике, йоча- влаклан спектакль ончыкталтеш. Ушештарат: театрыш у артист- влакат ушненыт.
    Марий самырык театрын фотожо.