Юнго- влак Озаҥыш миен шуыныт

             Марий Элын юнгыжо- влак «Шнуй Косма» парусник дене Озаҥыш миен шуыныт. Поход жапыште самырык моряк- влак Чебоксарыште, Звениговышто, Зеленодольскышто, Свияжск ден Озаҥыште лийыныт. Тиде гана юнго- влак радамыш Звенигово ола гычат ныл тунемше ушнен. Нуным игече тӱрлӧ семын терген. Эн ончыч шокшо игече когартен, вара йӱкшемден да йӱр тӱҥалын. Но рвезе- влак чыла сеҥен лектыныт да Татарстанын рӱдӧ олашкыже миен шуыныт. Лишыл жапыште «Шнуй Косма» у экипаж дене Юрино посёлко марте тарвана. Тиде походшо тенийсе тургымышто мучашлыше лиеш.