Пытартыш ийлаште Курык марий район вашталтеш…
Пытартыш ийлаште Курык марий район вашталтеш, тӱзатыме, туныктымо, тазалыкаралтыш, спорт йодыш- влак сайын виктаралтыт,- каласен республикым вуйлатыше. Александр Евстифеев паша дене Курык марий районыш миен. Исуткан сола ялыште газым чӱктымеке, тудо Кугилансола ялыште вӱдым налме узелыш миен. Тушто кызыт у скважиным чоҥат. Тоштыжым 1974-ше ийыште ыштыме. Кызытсе жаплан тоштемын. Александр Евстифеевын кӱштымыж почеш, скважиным кӱнчаш да вӱдым налме у узелым ышташ Микрак ял илемлан вич миллион теҥгем ойырымо. «Бурводстрой» компанийым вуйлатыше Игорь Горетовын мутшо почеш, скважиным октябрьыште ыштен шукташ палемдыме. Тыге кок ялысе калык- 160 еҥ- чарныде йӱшаш вӱдым налаш тӱҥалеш. Глава чоҥышо компанийын пашажым мокталтен ойлен. Тиде республикысе компаний, манын тудо. Икмыняр ий паша деч посна шоген, а тений шкенжым чаплын ончыктен. Тачысе кечылан 12 скважиным ыштыме. Чылажымат шке жапыштыже да сай качество дене.
Районыш мийыме кышкарыште кундемым социал-экономик велым вияҥдыме йодыш дене совещаний эртен. Александр Евстифеев муниципал образованийыште икмыняр корно дене пашан ушнен толмыжым палемден. Тиде- газым пуртымаш, чапле йӱшаш вӱдым ситарымаш, автомобиль корным чоҥымаш, паром деке корным ыштымаш да молат. Нине ныл кугу пашам уло вийым
пыштен ыштыман, - каласен республикым вуйлатыше.
Вара Яков Эшпай лӱмеш калык тӱвыра рӱдерыште районын 100 ияш лӱмгечыжлан пӧлеклалтше торжественный мероприятий эртен. Шке пашашт дене ойыртемалтше да республикым вияҥдымашке кугу надырым пыштыше- влакым палемдыме. Мосолов лӱмеш озанлыкым вуйлатыше Валериан Идабаевлан «Марий Элысе ял озанлыкын сулло пашаеҥже» чап лӱмым пуымо. Куд еҥлан Марий Элым вуйлатышын тауштымашыжым увертарыме.
Районыш мийыме кышкарыште кундемым социал-экономик велым вияҥдыме йодыш дене совещаний эртен. Александр Евстифеев муниципал образованийыште икмыняр корно дене пашан ушнен толмыжым палемден. Тиде- газым пуртымаш, чапле йӱшаш вӱдым ситарымаш, автомобиль корным чоҥымаш, паром деке корным ыштымаш да молат. Нине ныл кугу пашам уло вийым
пыштен ыштыман, - каласен республикым вуйлатыше.
Вара Яков Эшпай лӱмеш калык тӱвыра рӱдерыште районын 100 ияш лӱмгечыжлан пӧлеклалтше торжественный мероприятий эртен. Шке пашашт дене ойыртемалтше да республикым вияҥдымашке кугу надырым пыштыше- влакым палемдыме. Мосолов лӱмеш озанлыкым вуйлатыше Валериан Идабаевлан «Марий Элысе ял озанлыкын сулло пашаеҥже» чап лӱмым пуымо. Куд еҥлан Марий Элым вуйлатышын тауштымашыжым увертарыме.