Йошкар-Олаште уэмдыме виртуал концерт зал почылтын
Йошкар-Олаште уэмдыме виртуал концерт зал почылтын. 8 миллионат 400 тӱжем утла теҥге оксам тиде пашалан ойырымо ыле, - увертара тӱвыра министерстве. Залым «Тӱвыра» калыкле проект кышкарыште Эрик Сапаев лӱмеш опера да балет театр негызеш ыштыме. Театр у семӱзгарым налын. Тудлан кӧра мероприятий программым кумдаҥдаш да пойдараш, шинчымашым шарыме пашам утларак эртараш лиеш. Уна- влакым лӱмлӧ оркестр, шоктышо, постановко дене палыме лиймаш вуча. Оласе калык виртуал концерт залым кӱлеш семын акла да театрыш эше шукырак кошташ тӱҥалеш манын шонем, -каласен тӱвыра министр Константин Иванов. Регионлаште тыгай залым почмаш 2019-ше ийыште тӱҥалын. Козьмодемьянскысе Яков Эшпай лӱмеш калык тӱвыра рӱдерыште вич миллион утла теҥгеаш проектым шыҥдарыме. Шушаш ийын тыгай зал Волжск олаште почылтеш.
Фотом "Кидшер" сайт гыч налме.
Фотом "Кидшер" сайт гыч налме.