Марий Элым вуйлатыше Волжскышто ече-роллер трассым почын

               Марий Элым вуйлатыше Волжскышто ече-роллер трассым почын. Трассысе «Тазалык» тротуарыште асфальтым шарыме. Пашан акше 12 миллион теҥгеш шуын. Тиддеч посна торгышто аныклен кодымо окса дене ече базе кундемым тӱзландараш йӧн лектын. Тыге корно тӱрыш ошмам оптымо, лӱдыкшӧ верлаште савар шотан чаракым ыштыме. Пашам жапыштыже мучашлыме. Республикым вуйлатыше палемден: у спорт объект уло куатын кучылталтшаш, калыкым спорт деке утларак кумылаҥдышаш. Пытартыш жапыште ече база вияҥеш. Ондакырак ийым ышташлан, ечыгорным сайын кучаш специальнй техникым налме ыле, спортшколын зданийжым газ дене ырыктымашке кусарыме. Трассым чаплын ыштыме. Спорт- туризм министр Лидия Батюковалан Российын ече спорт ассоциацийжым вуйлатыше Елена Вяльбелан тидын нерген увертараш йодын. Тудо республикыш толын ыле. Александр Евстифеев тудым Республикын кечышкыже ӱжаш сӧрен. Мучашлан Республикым вуйлатыше таҥасымашлан стартым пуэн да «Виктория» олимпий резерв спорт школлан куд мужыр ечероллерым пӧлеклен.
             Паша визит кышкарыште Марий Элым вуйлатыше шуко пачеран пӧртым чоҥымо верышке миен. Тушто аварийный пӧртла гыч калыкым кусараш пачер- влакым ойырышаш улыт. Кызыт кӱшыл пачаш- влакым нӧлтат, 37 еҥ пашам ышта. Тиде кечылаште эше кок бригаде толеш да окнам шындаш тӱҥалыт.