Александр Евстифеев йӱлышӧ чодыра кумдыкым уэш вертолёт дене ончен савырнен

                Марий Элым вуйлатыше Александр Евстифеев Куяр лесничестве кундемыште йӱлышӧ чодыра кумдыкым уэш вертолёт дене ончен савырнен. Тудын дене пырля Федераций Советым вуйлатышын алмаштышыже, сенатор Константин Косачёв ден правительстве председательын алмаштышыже Степан Воронцов лийыныт. Юалге, йӱран игечым ончыде, мардежлан кӧра, южо вере тулйылме ылыжеш. Республикым вуйлатыше тыгай верлан координатшым вигак увертарен да пожарный – влак тушко тарваненыт. Чоҥештен савырныме деч вара Александр Евстифеев экипажлан таум каласен. Юж гыч ужмым шотыш налын, чрезвычайный ситуацийым шочмо марте кодаш пунчалме, вара сӱрет ончыкта, манын тудо.