Шоя уверлан четлык коклаш логалаш лиеш

               Бомбым пыштыме нерген шоя уверлан рвезе суд ончыко шогалын. Морко районысо суд 18 ияш рвезе шотышто уголовный паша почеш приговорым луктын. Рашемдыме: тений 6-шо июньышто йӱдым Коркатово ялыште таксофон гыч полиций пӧлкаш Кораксола клубыш бомбым пыштыме манын увертарен. Тиде жапыште тӱвыра пӧртыштӧ еҥ- влак лийыныт. Сандене тудо тургыжланымашым лукмыжым пален гынат, осал пашам ыштыме деч кораҥын огыл. Тыге, кучемын да правам аралыше органан паша радамжым пудыртен, клуб гыч еҥ- влакым лукташ, уверым тергаш специалист- влакым ӱжыкташ кӱлын. Кугыжаныш титаклышын шонымашыжым шотыш налын, рвезым кок ийлан условно эрык деч посна кодаш пунчалме.

Прошлые выпуски