Марий Эл гыч Елена Иванова паралимпиадыште ший медальым сеҥен налын

            Йошкар-Олаште шочшо Елена Иванова Токио олаште кайыше паралимпиадыште ший медальым сеҥен налын. Паралимпиадын призёржо Елена Иванова 100 метрыш куржмашыжым икымше классыш кайыше Владислав эргыжлан пӧлеклен. Икымше верым китаянка Итин Ши налын, кумшо верыш У Зелландий гыч Даниэль Эйтчисон лектын. 200 метрыш куржмаште Иванова финалыш лектын огыл. Елена Иванова 1988-ше ийыште Йошкар-Олаште шочын. Чебоксарысе экономико-технологий техникумым тунем пытарен. Кызыт «Российысе сборный команде- влакым спортлан ямдылыме рӱдерыште» спортсмен-инструкторлан ышта.
             Фото: МариМедиа.