Округысо совещаний эртен
Марий Элым вуйлатыше Александр Евстифеев Россий Президентын Юл кундем округышто полномочный представительже Игорь Комаровын эртарыме совещанийыште лийын. Видеосовещанийыште Юл кундем округысо субъектлам вуйлатыше- влак участвоватленыт. Мутланымаште кундем- влакым мер-политик да социал-экономик велым вияҥдыме йодышлам каҥашыме. Нунын радамыште единый йӱклымӧ кечылан ямдылалтме, калыклан вакцинацийым ыштыме, кундемлаш инвестицийым кондымо, экологий, кеҥежымсе тазалыкым пеҥгыдемдыме кампанийым мучашлымаш да у тунемме ийым тӱналме дене кылдалтше йодыш- влак лийыныт.
Икымше пелийын лектышыже почеш социал-экономик вияҥмашын тӱҥ показательже кодшо ийысе дене таҥастарымаште кушкын. Промышленный сатум 90 утла миллиард теҥгелан колтымо, производствын индексше 109 процент лийын. Ял озанлык продукцийым 102 процентым ужалыме. Капитально чоҥымо 12 объектым пашаш колтымо. Индивидуал программе почеш вӱдым ситарыме кум объектым ыштыме, эше кок объект ямде лийшаш, автовокзал, Петров урем, Ураев бульварын икымше йыжыҥже ыштен шукталтшаш улыт. Илыме верым 108 процентлан чоҥымо. Пӱртӱс газымат утларак пуртымо. Догазификацийлан тӱжемат 702 йодмаш пурен. Ковид дене ситуаций нерген ойлымо годым тичмаш налмаште черланымаш шагалемеш, но Марий Элыште эше эркышнаш амал уке. Медицина эскерымаште кок тӱжемат 979 еҥ шотлалтеш. Республикыш 258 тӱжем утла комплект вакциным кондымо. Икымше компонентше дене 170 утла тӱжем еҥ прививкым ыштыктен, кокымшыж дене- 153 тӱжем утла еҥ. Тазалыкым пеҥгыдемдыме кампаний жапыште республикыштына 186 лагерьыште 19 тӱжем йоча каналтен. Каныш сайын эртен.
Икымше пелийын лектышыже почеш социал-экономик вияҥмашын тӱҥ показательже кодшо ийысе дене таҥастарымаште кушкын. Промышленный сатум 90 утла миллиард теҥгелан колтымо, производствын индексше 109 процент лийын. Ял озанлык продукцийым 102 процентым ужалыме. Капитально чоҥымо 12 объектым пашаш колтымо. Индивидуал программе почеш вӱдым ситарыме кум объектым ыштыме, эше кок объект ямде лийшаш, автовокзал, Петров урем, Ураев бульварын икымше йыжыҥже ыштен шукталтшаш улыт. Илыме верым 108 процентлан чоҥымо. Пӱртӱс газымат утларак пуртымо. Догазификацийлан тӱжемат 702 йодмаш пурен. Ковид дене ситуаций нерген ойлымо годым тичмаш налмаште черланымаш шагалемеш, но Марий Элыште эше эркышнаш амал уке. Медицина эскерымаште кок тӱжемат 979 еҥ шотлалтеш. Республикыш 258 тӱжем утла комплект вакциным кондымо. Икымше компонентше дене 170 утла тӱжем еҥ прививкым ыштыктен, кокымшыж дене- 153 тӱжем утла еҥ. Тазалыкым пеҥгыдемдыме кампаний жапыште республикыштына 186 лагерьыште 19 тӱжем йоча каналтен. Каныш сайын эртен.