Провой кундемысе калык «Российын радиожым» FM диапазонышто колышташ тӱҥалеш

            Звенигово районышто РТРС 7-ше сентябрь гыч  «Российын Радиожым» ФМ диапазонышто транслироватлаш тӱҥалеш. Тыге эше 30 тӱжем еҥ «Россий радиошто» мемнан ГТРК-н марий радиожым колышт кертеш. «Звенигово» радиотелевизионный станций 106,6 МГц частоташте, Красногорский посёлкысо «Кӱшнур» РТС 100,1 МГц частоташте колышташ йӧным ышта. «Кӱшнур» РТС гыч сигнал эфирыш икымше гана лектеш. «Звенигово» РТС УКВ гыч ФМ диапазоныш кусна. 73,16 частоташте УКВ трансляций 21 сентябрь гыч чаралтеш.