Александр Максимов адак сеҥыше лийын
Марий Эл гыч спортсмен «Астрахань ралли» таҥасымаште сеҥыше радамыш логалын. Тушто квадроцикл, мотовездеход да мотоцикл дене таҥасеныт. Чылаже элысе 18 кундем гыч 59 экипаж ден гонщик лийын. Нуно степь да ошман корно дене 970 меҥгым эртеныт. Тушечын 605 меҥгыже спецучастке лийын. Александр Максимов «Эндуро-квадроциклы» дисциплиныште икымше верым сеҥен налын. Тиддеч ончыч, тений июльышто, тудо «Порсын корно» ралли-рейдыште сеҥышыш лектын ыле.