Ирек Файзуллин республикысе кучемын пашажым кӱкшын аклен

         Российын чоҥымаш министерствыжым вуйлатыше калыкле проект- влакым да индивидуал прграммым шыҥдарымаште республикысе кучемын пашажым кӱкшын аклен. Правительстве пӧртыштӧ Марий Элым вуйлатыше ден Российын чоҥымаш, илыме вер да коммунал озанлык министрже Ирек Файзуллин республикым вияҥдыме индивидуал программым да калыкле проект- влакым шыҥдарыме йодыш дене совещанийым эртареныт. Республикым вуйлатыше олаште чоҥалтше объект- влакым ончен савырныме почеш иктешлымашым ыштен. Тыште Россий чоҥымаш министерствын надырже пеш кугу манын тудо. Лекше йодышым вигак пырля виктарен колтена. Российын чоҥымаш министрже тидым каласен: республикын сылне пӱртӱсшӧ дене палыме улам, а рӱдӧ олаш икымше гана толынам. Ола яндар. Правительстве ден олан мэрже тиде пашам сайын виктарат. Илыме верым чоҥымо дене планым темыме. Шуко пачеран пӧрт- влакым капитально олмыктымо паша качественно шукталтеш, ондалалтше дольщик- влакын праваштым пӧртылтымӧ. Ирек Файзуллин кундемлам вияҥдыме, йӧнан кудывечылам ыштыме шотышто икмыняр темлымашым каласен. Волжск промышленный кумдык, тушто чоҥымо пашам умбакыже вияҥдыман. Корным чоҥымаштат сай лектышым палемден. Йошкар-Олаште корным чоҥаш да олмыкташ ешарен 100 миллион теҥгем ойыраш пунчалме.

Прошлые выпуски