Александр Евстифеев Калыкын келшымаш пӧртшым чоҥымашым кӱлешанлан шотлен
Александр Евстифеев республикысе калык коклаште кылым пеҥгыдемдымаште Калыкын келшымаш пӧртшым чоҥымашым кӱлешанлан шотлен. Килемар районыш паша дене мийымыж годым тудо «Келшымаш пӧрт- влак калык да тӱвыра кокласе келшымаш рӱдер семын улыт» теме дене йыргешке ӱстел йыр мутланымашке ушнен. Тудо пытартыш жапыште тӱвыра илышыште лийше вашталтыш, келшымаш пӧртым чоҥымо темп нерген ойлен. Кызыт кумшо пачашым чоҥен пытарат. Вашке шокшо контурыш пурена. «Казанский посад» компаний ятыр кӱлешан объектым чоҥен. Кызытат пашажым чаткан шукта. Чоҥымо пашам Российын чоҥымаш министрже Ирек Файзуллин ончен да кӱкшын аклен. 2022-шо ий мучашлан тудым ыштен шуктена манын ӱшанем, - каласен республикым вуйлатыше. Йыргешке ӱстел деч вара Александр Евстифеев пӱртӱс лоҥгаште шындыме «Акпатыр» оперым ончен.