Марий Элым вуйлатыше Марий юмынйӱлан еҥже- влак дене вашлийын
Марий Элым вуйлатыше Марий юмынйӱлан еҥже- влак дене вашлийын. Карт- влак дене саламлалтшыла Республикым вуйлатыше палемден: идалык еда тыге вашлиймаш поро йӱлаш савырнен. Республикын правительствыже калык да конфессий кокласе келшымашым арален кодымылан кугу тӱткышым ойыра. Кодшо ийын пандемийлан кӧра вашлияш йӧн ыш лий, но тудо ятыр йодыш дене кылым кучаш чарак ыш лий. Пытартыш вашлиймаш- влак почеш юмынйӱла ушемын пашаже дене кылдалтше икмыняр кӱштымашым пуэнам. Нуным шуктмо нерген увертарыме деч ончыч, Александр Евстифеев чолга вуйлатыше- влаклан наградым кучыктен. Республикым вуйлатышын тауштымашыжым У Торъял «Марий кумалтыш» общиным вуйлатыше Владимир Богачёвлан, Советский посёлко гыч тӱҥ карт Герман Милютинлан, Куженер районышо «Ошмарий-чимарий» общиным» вуйлатыше Альберт Рукавишниковлан увертарыме.
Погынышо- влак республикым вуйлатышылан чодыра тулым йӧртымӧ пашам виктарымылан тауштеныт. Вашлиймаш почеш Александр Евстифеев икмыняр кӱштымашым пуэн. Туныктыш министерствылан «Марий калык йӱла» предметын проограммыжым ямдылаш да марий юмын йӱла нерген модульым «Основы религиозных культур и светской этики» дисциплиныш пурташ кӱштымӧ. Тӱвыра министерствылан район- влак дене пырля марий юмын йӱла экспозиций- влакым кумдаҥдаш, юмынйӱла рӱдӧ организацийлан верым ойыраш, монографийым ямдылаш кӱштымӧ. Марий Турек районлан тоштер-этнографий комплексым ышташ да «Марий пӧрт» тоштер-пӧрт ден апшат составыш пурташ, Волжский районысо Чодыраял воктене кӱсотым тӱзландараш да паспортым ышташ, спорт- туризм министерствылан юмынйӱла вер- влакым пагален турист маршрутлам ямдылаш кӱштымӧ.
Погынышо- влак республикым вуйлатышылан чодыра тулым йӧртымӧ пашам виктарымылан тауштеныт. Вашлиймаш почеш Александр Евстифеев икмыняр кӱштымашым пуэн. Туныктыш министерствылан «Марий калык йӱла» предметын проограммыжым ямдылаш да марий юмын йӱла нерген модульым «Основы религиозных культур и светской этики» дисциплиныш пурташ кӱштымӧ. Тӱвыра министерствылан район- влак дене пырля марий юмын йӱла экспозиций- влакым кумдаҥдаш, юмынйӱла рӱдӧ организацийлан верым ойыраш, монографийым ямдылаш кӱштымӧ. Марий Турек районлан тоштер-этнографий комплексым ышташ да «Марий пӧрт» тоштер-пӧрт ден апшат составыш пурташ, Волжский районысо Чодыраял воктене кӱсотым тӱзландараш да паспортым ышташ, спорт- туризм министерствылан юмынйӱла вер- влакым пагален турист маршрутлам ямдылаш кӱштымӧ.