Тӱнян первенствыштыже той призёр лийын
Волжск ола гыч Артём Коровин Тӱнян первенствыштыже той призёр лийын. Байдарка да каноэ дене иймаште 500 метр кужытышто Тӱнян первенствыштыже таҥасымашын пытартыш кечынже 24 ияш марте юниор- влак коклаште Артём той медальым сеҥен налын. Тудо Республикысе «Олимпий резерв комплексный спорт школын» да «Спортлан ямдылалтме рӱдерын» спортсменже улеш. Таҥасымаш Португалийыште 19 ияш марте юниор да 24 ияш марте спортсмен- влак коклаште эртен. Тушко 56 эл гыч самырык атлет- влак ушненыт. 500 метр кужытыш иймаште Российын командыже радамыште Артём пушым виктарыше лийын.