Тений январьыште республикына мучко тӱжемат 428 пачерым чоҥымо

                  Тений январьыште республикына мучко чыла тӱрлӧ шийвундым кучылтын, тӱжемат 428 пачерым чоҥымо. Тӱшка кумдыкышт 96 тӱжем квадрат метрыш погына. Кодшо ийысе январь дене таҥастарымаште илыме верын кумдыкшо шым пачаш наре ешаралтын. Республикысе калык шке оксаже да кредит полшымо дене 31 тӱжем квадрат метр кумдыкан 196 пӧртым ыштен шуктен. Тидыжат кодшо ийысе тыгаяк жап дене таҥастарымаште ныл пачаш наре шукырак. Калыкын чоҥымыжо республикыште ыштыме тӱшка илыме вер гыч 32 процент лиеш. Сад-пакчам кучаш ойырымо мланде ужашыште 680 квадрат метр кумдыкан 7 илыме пӧртым ыштен шуктымо. Январьыште ыштыме пачерын да посна пӧрт- влакын кокла кумдыкышт 67 квадрат метр лийын, а 2021-ше ийыште 74 метр улмаш. Январьыште шуко пачеран пӧрт- влакым Йошкар-Олаште, Волжскыште да Медведево районышто чоҥымо, моло район ден олаште посна оза- влак шкаланышт гына пӧртым нӧлтеныт.