Мланде законодательствым 235 гана пудыртымым рашемдыме

Мланде законодательствым 235 гана пудыртымым рашемдыме
                Республикыште 2021-ше ийыште мланде законодательствым 235 гана пудыртымым рашемдыме. Росреестр виктемын мландым аралыме да тудын дене пайдаланыме шотышто кугыжаныш инспекторжо- влак кодшо ийын мланде законодательствым кузе шуктымым 440 гана тергеныт. Тидын годым 235 нарушенийым пален налыныт. Административно мутым кучаш 108 еҥым шогалтыме. Палемдыме штрафын тӱшка кугытшо ик миллион теҥгем эртен. Нарушений коклаште эн чӱчкыдын мланде ужашым шкевуя айлымаш шотлалтеш. Тыгайже 104 случай лийын. Нуным Йошкар-Олаште, Волжскышто, Волжский да Медведево районлаште рашемдыме. Тыгаят вашлиятеш: Медведво районысо ик ялыште 46 гектар мландым шкевуя куралме да пырчан культурым ӱдымӧ. Тудлан штрафым тӱлыктымӧ. Законодательствым пудырташ огыл манын, ойырымо мланде участке дене гына пайдаланаш, участкын чекшым палемыдме огыл гын, кадастр пашам эртараш да лектышыжым кугыжаныш реестрын пурташ темлат.

Прошлые выпуски