Российын пенсий фондшо ончыкылык пенсионер- влаклан кум ийлан ик гана уверым колташ тӱҥалеш

                Российын пенсий фондшо ончыкылык пенсионер- влаклан кум ийлан ик гана уверым колташ тӱҥалеш. 2022-шо ий гыч Пенсий фонд ончыклык пенсионер-влакым шижтараш тӱҥалын. Ушештарымаш 45 ияш да кугурак пӧръеҥ- влаклан да 40 ияш да кугурак ӱдырамаш- влаклан виктаралтеш. Увертарымаш шочмо кече деке лишкырак шогышо жапыште колталтеш. Тушто ямдылыме пенсий права, ийгот шот дене страховой пенсийлан правам налме йӧн, страховой пенсийын кугытшо нерген увер да пенсийлан чумырымо оксан кугытшо нерген увер- влак лийыт. Тыгай ушештарымашым кум ийлан ик гана колтат. Серыш кугыжаныш полыш порталыште «Личный кабинетыш» толеш, але пенсий фонд органыш мийыме годым кидыш кучыктат. Тений шке пенсий правашт нерген элысе 40 миллион утла еҥ уверым налшаш.