Йошкар-Олаште ДОМ.РФ мландыште илыме кварталым чоҥаш шонат

               Йошкар-Олаште ДОМ.РФ мландыште илыме кварталым чоҥаш шонат. ДОМ.РФ 2008 гыч пайдаланыдыме федерал мландым мӧҥгеш оборотыш налме сомылым шукта.   Панфилов уремыште верланыше чоҥышаш мланде ик гектар кумдыкым айла. Тушто комфорт-классан 16 пачашан пӧрт- влакым чоҥаш лиеш. Мланде йымалсе парковко, ужар зона, социал инфраструктура лийшаш. ДОМ.РФ илыме верым налын кертышт манын да тудым шукырак ыштен шукташ тӱрлӧ механизмым кучылтеш. Тыге, кумдыклам комплексно вияҥдымаш механизмлан кӧра ятыр ий дене яра кийыше мланде уэш пайдам конден кертеш. Йошкар-Олам чоҥымо концепцийым республиксе правительстве дене кутырен келыштарыме. Сандене чоҥышылан уэше ешартыш соглашенийым ышташ жапым йомадараш ок кӱл. Чоҥышылан участкым ныл ийлан арендыш пуат. Тыге ДОМ.РФ-ын ушнымыжлан кӧра Йошкар-Олан рӱдыштыжӧ у квартал шочеш.