Нурма селаште йоча садын кокымшо корпусшым почмо
![Нурма селаште йоча садын кокымшо корпусшым почмо](/upload/iblock/f25/3rhx6ek9smm553r9te2kjz6jysa0ggl1.jpg)
Медведево районысо Нурма селаште «Рябинушка» йоча садын кокымшо корпусшым почмо. Тудым «Демографий» калыкле проект кышкарыште чоҥымо. Йоча тӧнежым почмашке туныктыш министр Лариса Ревуцкая миен. Садик икте гыч 3 ияш марте 55 йочалан келыштаралтын. Тушто пищеблок, вургемым мушмо, медицина блок, сем да спортзал, методик кабинет улыт. Йоча садлан пӱтынек оборудований ден мебельым ситарыме. Йоча- влакым шуараш кызытсе жаплан келшыше оборудованийым вераҥдыме: ушан воштончышым, интерактивный ошма курыкым, тыгаяк физкультура комплексым, шинчымашым пуышо интерактивный кӱварым, панельым да молымат. Пашам ыштыше кадрымат ситарыме. Кум воспитатель, кугурак воспитатель, физкультура дене инструктор, туныктышо-логопед, семым туныктышо тыршат.
Фото: МариМедиа.
Фото: МариМедиа.