Кок пачашан вагон Йошкар-Олашкат толын шуэш

              Апрельыште Марий Элысе калык кок пачашан вагонан поезд дене кудалышт кертеш.  Чувашийысе калык шукертсек тыгай вагонышто коштеш. Йошкар-Оласе калыкат тыгай вагон мемнан декат толеш гын сай ыле манын ойлен. Теве ынде шонымашышт шукталтеш. 17-ше апрель гыч Йошкар-Ола гыч Москошко кок пачашан вагонан поезд кошташ тӱҥалеш. Но тушто плацкарт але комфортан СВ вер- влак огыт лий маныт. Пассажир- влаклан купе вагон темлалтеш. Билетын акше кӱшыл верлашке кок тӱжем теҥге гыч тӱҥалеш, ӱлыл верлашке кум тӱжем теҥге гыч. Расписаний ок вашталт. Йошкар-Ола гыч 19 шагатат 26 минутлан тарвана гын, Моско гыч 16 шагатат 20 минутлан лектеш. РЖД-н паркыштыже кызыт кок пачашан 628 вагон уло. Нуно 15 маршрут дене коштыт.
                 Фото: МариМедиа.