Кокшайск селаште илыше-влак шушаш шошо вӱдшорым тургыжланен вучат.
Кокшайск селаште илыше-влак шушаш шошо вӱдшорым тургыжланен вучат. Чебоксар ГЭС-ыште шошо вӱдлан ямдылалташ тӱҥалыныт. Посна комиссийым ыштыме. Тудо кугу вӱд толмо жапыште гидроэлектростанцийлан ӱшанлын да лӱдыкшӧ деч посна пашам ышташ йӧным ямдылышаш, шке жапыштыже калыкым, СМИ-м да предприятий- влакым вӱдын кузе кайымыже нерген шижтарен шогышаш. Кодшо ийын шыжым Юл да Чолман каскадыште вӱдын шагалеммыже палдырнен. Но декабрь гыч кызыт марте вӱдын утларак толмыжо шижалтеш. Лум шапаш тений каскад мучко ик семын чумырген огыл. Юл эҥерыште тичмаш налмаште лумын шапашыже- нормын 121 проентше погынен. А Чебоксар вӱдаралтышыште- нормо деч 147 процент. Тидыже кокла показатель деч 26 процентлан шукырак. Кокшайск селаште илыше да дачник- влак шошым тургыжланен вучат. Молан манаш гын, гидроузелын пашаже деч Юл эҥерыште да тушко йоген пурышо эҥерлаште вӱдын кӱкшытшӧ кылдалт шога. Южо илыме пӧртым да даче участкым вӱд налын кертеш.