Красногорскысо автофургон комбинат- республикысе налогым тӱлышӧ ик эн тӱҥ предприятий
Марий Элын промышленность, экономически вияҥмаш да торговля министрже Станислав Крылов паша визит дене Красногорскысо автофургон комбинатыш миен. Тиде предприятий республикысе оборонно-промышленный комплекс радамыш пура. Автофургон комбинат республикысе налогым тӱлышӧ ик эн тӱҥ предприятийлан шотлалтеш. Тудо оборона да граждан кӱлешлыклан кузов-фургон ден кузов- контейнерым луктеш. Предприятийын металлым обрабатыватлыше, пушеҥгым обрабатыватлыше, сборочный, транспорт да олмыктышо цехлаже уло, шке конструктор бюрожо, лабортаорийже, качествым тергыше да доставке службыжо пашам ыштат. «Красногорскысо «Электродвигатель» завод» акционер ушемым 1968-ше ийыште ыштыме, шӱдӧ утла тӱрлӧ продукцийым луктеш. Тудым Российысе кундемлашке да СНГ эллашке колтат. Вашлиймаш кышкарыште генеральный директор Николай Ураев ден исполнительный директор Александр Бирючевский предприятийым пужен ыштыме да производствым кумдаҥдыме план дене палдареныт.
