Республикыштына индеш проект Президент грантым сеҥен налын
Республикыштына индеш проект Президент грантым сеҥен налын. Президент грант фондын тенийсе икымше конкурсыштыжо индеш проект сеҥышыш лектын. Элна мучко ончалаш гын, конкурсыш чылаже лу тӱжемат 400 утла йодмашым колтымо улмаш. Сеҥыше радамыш элысе чыла кундем гыч тӱжемат 900 утла йодмаш пурен. Полышын тичмаш акше ныл миллиардат 35 миллион теҥгеш погына. Республике гыч сеҥыше- влак радамыште Йошкар-Ола гыч «Воштончыш» йоча усталык ушем, Сокыр- влак спорт федераций, Сокыр- влак ушемын марий организацийже, Йоча да кугыеҥ-влакын «Кечшудо» физический да интеллектуал вияҥме рӱдерышт, спорт туризм да спорт ориентирований федераций, «Кугу шӱман изи йолташ- влак» шала коштшо вольыклан полшышо поро кумыл фонд, Шанче да социал инициативе рӱдер, Калыклан социал да психологий полышым пуышо рӱдер, керамика рӱдер улыт.