Марий йылмым тунемме лагерьым ямдылат
Республикыштына икымше гана марий йылмым тунемме лагерьым чумырат. Лингвистике лагерь 10-шо гыч 15-ше июль марте лиеш. Йылме шинчымашым кажне кумылан еҥ пеҥгыдемден кертеш. Марий йылмым тунемме лагерь Алёшкино ял воктене «Раздолье» этнокомплексыште пашам ышташ тӱҥалеш. Тушко кӧ марла ойлен ок мошто, кӧ изишак умыла, кӧ кутырен мошта, но утларак практикым эртынеже- нуно чумыргат. Нунылан марий йылме дене занятий, лекций, презентаций, мастер-класс, каныме мероприятий- влак эртаралтыт. Ямдылыше- влакын мутышт почеш, лагерьыште лиймылан ик еҥ лу тӱжем теҥгем тӱлышаш.