Волжский районышто кодшо ийын автоклубым налыныт да Тӱвыра пӧртым уэмденыт

                Волжский районышто кодшо ийын автоклубым налыныт да Тӱвыра пӧртым уэмденыт. Тӱвыра министерствыште Волжский районысо тӱвыра тӧнеж- влакын кодшо ийысе пашаштым иктешлыше совещаний эртен. Эртыше ийын шуктымо паша нерген муниципал образований администрацийын тӱвыра да спорт пӧлкажым  вуйлатыше Любовь Казакова каласкален. Тудын мутшо почеш «Тӱвыра» калыкле проект кышкарыште Сотнур тӱвыра пӧртым олмыктымо, автоклубым налме. Тиддеч посна, правительствын окса полышыжо дене чыла гаяк тӱвыра пӧртым олмыктымо, уремласе светильник- влакым вашталтыме. Кызыт районышто модельный книгагудым ышташ проект да смете документаций ямдылалтеш. Планыште эше ик тӱвыра пӧртым олмыкташ палемдыме. Совещанийым иктешлышыла тӱвыра министр Константин Иванов Волжский район гыч Палантай лӱмеш тӱвыра колледжыш тунемаш пурышо- влакын чотыштым кугемдаш йодын, муниципал брендым ямдылаш, «Пушкин карте» программыш самырык- влакым чолганрак ушаш кӱлеш манын.
               Тувыра министерствын фотожо.