Юл кундем кугыжаныш технологий университетыште «Республикысе процесс фабрике» почылтын

               Юл кундем кугыжаныш технологий университет негызеш «Республикысе процесс фабрике» почылтын. «Республикысе процесс- влакын фабрикышт» тиде тунемме производство площадкылан шотлалтеш. Тудым «Пашан лектышыже» калыкле проектым шыҥдарыме кышкарыште почмо. Мероприятийыште Правительстве председательын икымше алмаштышыже Александр Сальников, промышленность министр Станислав Крылов, паша лектыш аланыште компетенций рӱдерын, Газпромбанкын да Юлтехын представительышт лийыныт. Марий Эл 2019-ше ий годсек тиде проектын участникше улеш. Проектын цельже- 2024-ше ий марте кыдалаш да кугу  предприятийлаште  паша лектышын темпшым талукышто вич процент деч шагал огыл нӧлталаш полшышаш. Тачысе кечылан проектыш 9 предприятий ушнен. Тиде- «Шыл комбинат», «Искож» фабрике, «Картонаж мануфактура», «Марий Эл Дорстрой», «Шернур сыр завод», «Сайвер» химзавод, «Ариада», «Феррони» да «Маризернопродукт» предприятий- влак. «Процесс-влакын фабрикыштым» проектыш ушнышо предприятийлан вуйлатыше ден пашаеҥыштым аныклен пашам ышташ туныкташ ыштыме. Тунеммаш производственный площадкыште паша радамыштак шукталтеш. Фабрикым вераҥдаш Юлтехым таклан огыл ойырен налме. Тиде тунемме тӧнежыште предприятийын пашаеҥже- влак квалификацийым нӧлтат да уэш тунеммашым эртат.