Памар-Коркатово корным олмыктат

Памар-Коркатово корным олмыктат
           Памар-Коркатово корным олмыктат. Волжский районышто «Качестван лӱдыкшыдымӧ корно» калыкле проектым шыҥдарыме кышкарыште Памар- Кораксола корно 2019-ше ий годсек олмыкталтеш. 2019-ше ийыште тудын кум меҥге кужытшым ачалыме. Корно федерал корно гыч Памар села деч тӱҥалеш да Приволжский марте шуйна. 2020-шо ийын Сотнур- Нуршайра автомобиль корнын Красный Стекловар посёлко марте вич меҥге наре кужыт корныжым олмыктымо. Кодшо ийын Приволжский посёлко ден Воскресенский хутор марте лу меҥге кужытым ачалыме. Тений Памар-Кораксола корнын кок ужашыжым тӧрлат. Иктыже Мучашъер ял деч Вакутсола ял марте куд меҥге утла шуйна, кокымшыжо Карай ял деч Пӧтъял марте 11 мене утла кужыт. Олмыктышаш ужашлаште асфальтым шарат, корно тӱрым тыгыде кӱ дене пеҥгыдемдат, вӱд йогымо пучым пыштат, чарналтыш павильоным ыштат, корно пале- влак вераҥдалтыт. Тыгак Пӧт эҥер гоч кӱварым капитально олмыкташ палемдыме. Тидлан 92 миллион теҥгем ойырымо.

Прошлые выпуски