Марий Элыште медицина тӧнежла деке намийыше 11 корным олмыктат.
Марий Элыште медицина тӧнежла деке намийыше 11 корным олмыктат. «Качестван лӱдыкшыдымӧ корно- влак» калыкле проект кышкарыште социал кӱлешан тӧнежлашке мийыме корно- влакымат олмыкташ палемдыме. Тиде- школ, йоча сад, эмлыме вер да молат. Тений олмыктышаш радамыш тыгай корно-влак пуреныт: Куяр ФАП деке, Оршанке районысо Кугу Орша ФАП деке 8 меҥге кужыт корно, Советский районышто Рӱдӧ эмлыме верыш мийыме Ургаш-Тошто Ургаш корнын 7 меҥге кужытшо, 13 меҥге наре шуйнышо Кугу Пумарий- Марий Турек- Лоп корно Алексеевский ФАП ден Марий Турек рӱдӧ эмлыме верыш мияш йӧным ышта, Параньга районышто 12 меҥге наре корным олмыктымлан кӧра Матародо ден Ондропсола ФАП-лашке миян куштыго лиеш. Куженер районышто 12 меҥге кужыт корным олмыктымеке Токтайбеляк ден Тумьюмучаш ФАП-лашке кошташ йӧнан лиеш, Шернур районышто Шернур рӱдӧ эмыме вер, Мустай ФАП да Кукнур ФАП деке корно саемеш, Волжский районышто Шарача амбулатрий, Пызырьгуб да Карай ФАП-ла деке корно лиеш, У Торъял районышто Кугу Лумарий да Кремлёнко ФАП деке корным ыштат. Тений чылаже калыкле проект почеш регион кӱкшытан 208 меҥге кужыт корно уэмшаш.