Колымо нерген свидетельствым электрон йӧн дене гына пуаш ямдылалтыт

             Икымше март гыч колымо нерген свидетельствым электрон йӧн дене гына пуаш тӱналыт. Премьер- министр Михаил Мишустин колымо нерген медицина документ- влакын федерал реестрыштым вӱдымӧ правилым пеҥгыдемдыме нерген пунчалеш кидпалыжым пыштен. Реестрышке сведенийым медицина организаций, федерал налог служба, Россий Пенсий фонд, обязательный медицина страхований фонд колташ тӱналыт. Электрон документым ыштымаш обязательный лиеш. Еҥ- влак  колымо нерген вияҥдыме квалифицированный электрон подпись дене пеҥгыдемдыман электрон документым налын кертыт. Кызыт колышо еҥын лишыл еҥже- влак кагаз медицина свидетельствым налыт. Тудым ЗАГС пуыман. Тушто вашталтышым граждан состояний актыш пуртат да колымо нерген свидетельствым пуат. У документ икымше март гыч вийым налеш.
             Фото: МариМедиа.