Константин Косачёв Российын тӱвыра министрже Ольга Любимова дене вашлиймашым эртарен

                Константин Косачёв Российын тӱвыра министрже Ольга Любимова дене вашлиймашым эртарен. Каҥашымаште тӱҥ семын Федераций Советын «Марий Элым социал-экономик велым вияҥдашлан Кугыжаныш полыш нерген» Пунчалжын посна положенийже- влакым шуктымо йодыш лийын. Поснак Юрино посёлкышто «Шереметевмыт замок» тӱвыра поянлык объектым олмыктен пытарыме да Волжск олаште «Родина» киотеатрым пужен ыштыме йодышеш шогалме. Константин Косачёв Марий Эл деч сенатор семын, Йошкар-Олаште «Калык- влакын келшымаш пӧртыштым» чоҥымо нерген ойлен. Тудым тений Российысе калык- влакын тӱвыра поянлык идалыкыште мучашлаш шонат. Мутланымаште тыгак «Российын историй да тӱвыра поянлыкше» 8-ше Парламент форумын рекомендацийже- влакым илышыш шыҥдарыме, элыште нематериальный тӱвыра поянлык нерген федерал законын проектшым ямдылыме да тӱвыра поянлык объектлан шотлалтше шуко пачеран пӧрт- влакым арален кодымо нергенат ойлымо. Федераций Советын вице-спикерже ден тӱвыра министр шындыме задаче- влакым шуктымаште пашам вашла кутырен виктарен колташ ойпидышым кылденыт.
                  Фото: "Газета "Культура".