Пӧрт йымалне кынем куштен

               Марий Элысе посна пӧртыштӧ Озаҥ гыч пӧръеҥ кынем куштен. Татарстаныште илыше еҥ наркоплантацийым Параньга районысо посна пӧртын подвалыштыже ыштен. Марий Элысе прокуратурын ончыктымыжо почеш,Озаҥ гыч 36 ияш пӧръеҥ кодшо ийын октябрьыште  районысо ик ялыште пӧртым налын да пӧрт йымалне наркотикан кушкылым кушташ парникым ыштен. Урожайым мӧҥгыштак арален да тудым интернет гоч ужален оксам ыштен налаш шонен, но поен шуктен огыл, полиций пашаеҥ- влак тудым кученыт. Тергыме годым кок кило наре кыне шудыжым, кушташ келыштарымашыжым  поген налыныт. Уголовный пашам тарватыме. Закон почеш тудым 20 ий марте колонийыш колтен кертыт.
              Фото: Смотрим.ру