Йошкар-Олаште эше кум мемориал оҥам вераҥдаш палемдыме

                Йошкар-Олаште лӱмлӧ еҥ- влакым шарнымашеш кодаш да у мемориал оҥа- влакым вераҥдаш палемдыме. Мемориал оҥам да шарныктышан пале- влакым вераҥдыме йодышым ончышо комиссий Оласе погынымашын депутатше- влак деке йодмаш дене лектын. Мемориал оҥам историй наука доктор, профессор, Российысе кӱшыл школын сулло пашаеҥже, Йошкар-Олан почётан гражданинже Ксенофонт Сануковлан, ОМОН-ын кугурак инженер-сапёржо, службо порысшым шуктышыла Грозный олаште вуйым пыштыше Николай Рыжовлан, медицина науко доктор, Россий ден Марий Элын сулло врачше Виктор Севастьяновлан вераҥдаш  темлалтеш. Ола администрацийыште увертарыме почеш, мемориал оҥам вераҥдыме нерген иктешлыше решенийым Ола погынымашын депутатше- влак черетан сессийыште лукшаш улыт.