Йошкар-Олаште пашадымылыкын шагалеммыже палдырна

            Йошкар-Олаште пашадымылыкын шагалеммыже палдырна. 2021-ше идалык тӱҥалтыш гыч Йошкар-Оласе пашавер рӱдерыш лу тӱжемат 310 еҥ толын. Тидыже 2020-шо ийысе тыгаяк жап деч 1,7 луаш гана шагалрак. Тунам 17 тӱжемат 145 еҥ лийын. Келшыше пашам кычалаш полшаш йодмаш дене 6 тӱжемат 587 еҥ миен, 20-шо ийыште лу тӱжемат 900 утла еҥ лийын. нунын кокла гыч пашадымылан шотлымыжо кок тӱжемат 500 утла еҥ, 20-шо ийыште 6 тӱжемат 900 утла еҥ улмаш. 2021-ше ийыште ола предприятий- влак шукырак пашаеҥым кычалаш тӱҥалыныт. Йодмаш иктат пеле гана ешаралтын: 2422 гыч 3611 марте. Кугу йодмаш дене врач, инженер, медшӱжар, бухгалтер, воспитатель, повар, водитель, слесарь, монтажник, кондуктор, ургызо, орол, киндым кӱэштше, тракторист, маляр, троллейбусын водительже профессий – влак пайдаланат.