Рӱдӧ олаштына кундемлам эрыктыдымылан 36 протоколым возымо

            Йошкар-Олаште телым кундемлам кӱлеш семын кучыдымылан административный правонарушений нерген 36 протоколым возен пуымо. Шӱдӧ витле тӱжем теҥге утла штрафым пӧрт воктелсе кумдыкым лум деч эрыктыдымылан, леведыш гыч лумым кораҥдыдымылан, уремыш лумым шӱкен лукмылан да моло нарушенийланат тӱлашышт верештеш. Ола администрацийын тергыше пӧлкажын рашемдыме 150 наре нерушенийым вуйын шогышо- влак жапыштыже тӧрленыт. Сандене административный пашам тарватыде йодышым виктарен колтымо. Мэрий шижтара: игечым шотыш налын, леведышым, кундемлам чарныде эрыктен шогыман.