Олимпиаде почылтмым вучат

             Марий Элнат уло эл семынак Пекиныште олимпий модмашын тӱналмыжым вуча. Старт 4-ше февральыште пуалтеш. Олимпиадыште шӱдӧ утла комплект награде модылтеш. Российысе 213 эн уста спортсмен Россий Олимпий комитетын командыжын радамышкыже пурен. Россий спортсмен- влакым поддержатлыме нерген Марий Элысе самырык- влак политике, спорт да туризм министр Лидия Батюковат каласен. Тудын мутшо почеш Модмашым почмо церемонйым республикысе калык чот вуча. Ме чыланат 213 спортсменна- верч тургыжланаш тӱҥалына,- каласен тудо. 24-ше телымсе Олимпий модмаш 4-ше гыч 20-шо февраль марте Пекиныште эрта. Олимпиадын талисманжылан панда маскам ойырен налме. Тудлан ий костюм-скафандрым чиктыме. Спортсмен- влак кум Олимпий ялыште илат. Тушко ӧрдыж еҥ логал ок керт, спортсмен- влакланат вес верыш лекташ ок лий. Тидыжым чер лӱдыкшылан кӧра ыштыме.
              Фото: МедиаПоток.