Марий Элын правительствыже Российысе калык- влакын тӱвыра поянлык Идалыкыштым эртарыме шотышто оргкомитетым ыштен
Марий Элын правительствыже Российысе калык- влакын тӱвыра поянлык Идалыкыштым эртарыме шотышто оргкомитетым ыштен. Тидын шотышто официальный интернет-порталыште правительствын распоряженийжым вераҥдыме. Оргкомитетын пашажым Марий Элым вуйлатыше Александр Евстифеев виктараш тӱналеш. Тудын алмаштышыжлан икымше вице-премьер Михаил Васютин ден тӱвыра министр Константин Ивановым палемдыме. Составышке тыгак промышленность министр Станислав Крылов, финанс министр Алексей Торощин, туныктыш министр Лариса Ревуцкая, тӱвыра министрын алмаштышыже- влак Елена Бурнашева, Михаил Матвеев, Игорь Садовин пуреныт. Оргкомитетыште чылаже 17 еҥ шотлалтеш. Документ дене келшышын, оргкомитет 4-ше февраль марте тӱҥ мероприятий- влакын планыштым ямдылышаш. Ола округ да муниципал образованийлан администрацийыштым вуйлатыше- влаклан Идалык кышкарыште тений республикыште кӱлешан мероприятий- влакым эртараш кӱштымӧ.