Округысо ече дене мунчалташ йӧратыше- влак таҥасеныт

                Республикыштына ече дене мунчалташ йӧратыше- влак коклаште Юл кундем округын первенствыже эртен. Таҥасымашым Йошкар-Ола воктелсе «Корта» тунемме да тренироватлалтме базыште эртарыме. Икымше кечын спортсмен- влак классик йӧн дене мунчалтеныт, кокымшо кечын- эрыкан йӧн дене. Ечыгорныш Татарстанын, Чуваш республикын, Марий Элын, Угарман, Пенза, Киров областьлан спортсменышт лектыныт. Ийгот шот дене кажне тӱшкаште шке сеҥышышт лийын. Тӱшка лектыш почеш Марий Элын сборныйжо кокымшо верыш лектын. Ончылно Чувашийын командыже лийын. Татарстан гыч толшо ечызе- влак кумшо верым сеҥен налыныт.