«Ватрушко»- лӱдыкшӧ издер

              МЧС мунчалтыме «ватрушко»- влакын лӱдыкшыжӧ нерген шижтара. Курык гыч тыгай издер дене мунчалтымаш эмганаш лийме лӱдыкшылан шотлалтеш. Тиде пуэн овартыме издер пеш чот писын мунчалта, шке йырже пӧрдын, виктараш лийдымыш савырна. Эмлыме вер марте шукташ огыл манын, икмыняр правилым шуктен шогыман. Тидын нерген МЧС шижтара. Ик «ватрушкыш» икмыняр еҥ шичшаш огыл, издер- влакым икте весышт дене вашла кылдаш ок кӱл, курыкым терген лекман: тушто лаке, кӱ, лектын шогышо вож да моло чарак лийшаш огыл, тюбингым снегоход, машина деке пижыкташ чаралтеш, кугорно воктене мунчалташ ок йӧрӧ.
                Фото: МариМедиа.