Диспансеризаций ден профосмотрым 114 тӱжем утла еҥ эртен

                Республикыштына диспансеризаций ден профосмотрым 114 тӱжемат 443 еҥ эртен. Тазалык аралтыш министерстве кодшо ийын кугыеҥ- влакын диспансеризацийым эртымыштлан иктешлымашым ыштен. Тергыме кокла гыч 38 процентше пӧръеҥ улыт, 62 наре процентше- ӱдырамаш- влак. Тергыме почеш кокымшо йыжыҥыш 40 тӱжемат 700 еҥым виктарыме. Диспансеризаций да медосмотр кышкарыште икымше гана шым тӱжемат  932 хронический инфекцийдыме черым рашемдыме. Пален налме чер коклаште икымше верыште вӱргорночер- 43 процент, кокымшо верыште моло чер- 39 %, кумшышто пищеварений орган- 8 утла%, 4-ыште- сакыр диабет- 3, визымшыште- кум процент наре- рак чер. Кодшо ийын 233 онкологий случайым рашемдыме. Шымлымаш негызеш кок тӱжемат 602 еҥым ешарен шымлымашке колтымо.