Сарын ветеранже- влакын госпитальышт у оборудованийлан лу миллион теҥгем налеш

             Сарын ветеранже- влакын республикысе госпитальышт у оборудованийлан лу миллион теҥгем налеш. Тудо «Тукым- влакын шарнымашышт» поро кумыл фондын увертарыме конкурсышто сеҥышыш лектын. Тыге пациент- влакым эмлаш у оборудованийым налеш. Тӱҥ врач Алексей Красильниковын мутшо почеш, госпиталь  сар кредалмашлаште лийше вич тӱжем наре еҥым обслуживатла. Пытартыш кок  ийыште нуным кӱлеш семын эмлаш йӧн шагалемын. Молан манаш гын, тушто коронавирус инфекций деч эмлаш пӧлка пашам ышта. Туге гынат, тудо кунам- гынат пыта да сарыште лийше- влакын тазалыкыштым пеҥгыдемдаш кӱлеш лиеш. Нунылан утларакше реабилитаций оборудований кӱлеш. Тиде лу миллион теҥге эн ончыч коронавирус деч вара тазалыкым пеҥгыдемдаш барокамерым да аппарат- влакым налаш, тыгак гидромассаж, суставым эмлаш, кукшо ванне комплеклан кучылталтеш. Лишыл жапыште у оборудованийым шындаш пӧлемым олмыкташ тӱҥалыт.
                Фото: "Марийская правда".