«112» да «122» номеран телефон- влакын ойыртемышт нерген ушештарыме

             Марий Элысе МЧС «112» да «122» номеран телефон- влакын ойыртемышт нерген ушештара. Молан манаш гын, нуным лугаш тӱҥалыныт. Нуно икгайрак койыт гынат, тӱрлӧ йодышлан мутым кучат. «112» номер- тиде экстренный чыла службым ӱжыктымӧ номер. Тушко йыҥгыртымеке, диспетчер- влак абонентым кӱлеш структурыш кусарат. Мутлан: пожар охрана, вашке полыш, полиций, газ служба. ЖКХ да тулеч молат. Номер вучыдымо ситуаций годым лӱдыкшыдымылык да аралалтме йӧн нерген консультацийым налаш да увертараш ышталтын. «112» номерыш мобильный телефонын кеч-могай состоянийыште улмыжо годымат йыҥгырташ лиеш: окса уке, сим-карте уке годымат.
               А «122-ан» номер- республикысе единый увер да справке служба. Тудо Ковидлан кӧра калыклан полышым пуаш кӱлешлык дене пашам ышташ тӱҥалын. Тиде номерын сотрудникше- влак врач деке приёмыш возалтме, врачым мӧҥгышкӧ ӱжыктымӧ, вакцинаций йодыш, эмым ситарымаш, больничный листым налме нерген йодыш- влакым обрабыватлат. Линийыште тымарте 1-ше, 2-шо, 3-шо, 4-ше поликлинкылан, эмым ситарыше организацийын, тазалыкаралтыш министерствын, вашке полыш станцийын, Роспотребнадзор виктемын операторышт пашам ыштен гын, 25-ше январь гыч 27 оператор да 23 медицина организаций пашам ышташ тӱҥалын. «122» номер экстренный полыш службыш ок пуро. Пеш чот вашке, оперативный медицина полышым йодын «112-ан» номерыш йыҥгыртыман.