Пасу пашаеҥ- влак шурным шагал налмылан штрафым огыт тӱлӧ
Марий Элым вуйлатыше ял озанлык сатум ыштен лукшо- влаклан штрафым тӱлыктыдымӧ нерген решенийым луктын. Кодшо ийысе чот шокшо шогышо игече да йӱрын шагал йӱрмыжӧ пасу пашаеҥ-влаклан нелылыкым луктын. Нуно кӱлеш наре шурным налын кертын огытыл да субсидийым налаш условийым шуктен огытыл. Тидлан кӧра Марий Эл Правительстве ситыдыме шурнылан субсидийым пӧртылташ да штрафым тӱлыкташ ок тӱҥал. Тидын шотышто Правительствын пунчалжым Александр Евстифеев пеҥгыдемден. Ял озанлык министерствын ончыктмыжо почеш, агропромышленный комплексын предприятийже- влак кодшо ийын шошо ага пашалан кӱлеш семын ямдылалтыныт. Чыла жапыштыже да сайын ӱдымӧ. Но игечылан кӧра вучымо наре шурным, кокла шот дене 34 процентым, налын кертын огытыл. Тидлан кӧра тӱжем тонн шӧрым налын шуктымо огыл. Вольык озанлык пашаеҥ- влак продукцийым ешараш уло вийым пыштеныт, тичмаш кӱлешлык кормам шапашленыт. 2020-шо ийысе тыгаяк жаплан шотлымаште шӧр лӱштышым 6 процентлан кугемдыме.