Ялысе туризмым вияҥдаш туныктат

             Республикысе калыкым ялысе туризмым вияҥдыме шотышто оксам тӱлыдымӧ курсышко ӱжыт. Проект Ростуризмын полшымыжо дене эрта. Колыштшо- влак ялысе туризм нерген умылымашым, темлымашым, умылтарымашым налыт. Лу урокышто эксперт- влак закон, экономике, маркетинг, путешественник- влаклан тӱрлӧ полыш, ялысе турым ыштыме шотышто темлымаш- влакым пуат. Спорт туризм министерстве палемда: тунеммаш тиде сомылым тӱҥалше, регионысо да верласе самоуправлений органын пашаеҥже, коммерцийдыме организаций, ресурс рӱдерын пашаеҥже, профилян факультетлаште тунемше студент, преподаватель- влаклан пайдале лийшаш.