Телым чоҥештен кайыдыме ирлудо- влакым шотленыт

           Йошкар-Ола воктелсе Пӱнчерыште да «Марий Чодыра» паркыште лудо-влакым шотленыт. Ынде икмыняр ий почела «Российысе кайык- влакым аралыше Ушем» Россий мучко телым эртарыше вӱдкайык- влакым шотлышо «Сур шӱй» акцийым эртара. «Кугу Какшан» заповедникын специалистше- влакат проектыш ушненыт да икмыняр кылмыдыме эҥерым терген лектыныт. Теве, Йошкар-Оласе плотинаште 321 тыглай ирлудо телым эртара, эше кокытшо вес урлык улыт. «Марий Чодыра» паркыште Ужар памашыште, Элнет ден Атлашка эҥерлаште 385 тыглай лудо да эше кумытшо вес урлык ӧрдыж кундемлаш огыт кай. Эксперт- влакын мутышт почеш, ынде у полуляций шочын. Тудо идалык мучко мемнан дене ила да кечывалвел эл нерген нимомат ок пале.
            Фото: Г.Богданов, МариМедиа.