Республикыштына «Школьник- влаклан тӱвыра» проект тӱҥалеш

             Республикыштына «Школьник- влаклан тӱвыра» проект тӱҥалеш. Тӱвыра министерствыште тиде проектлан пӧлеклалтше совещаний эртен. Тудо туныктыш министерстве дене пырля шыҥдаралтеш. Проект тиде- сымыктыш да художественный тӱвыра произведений- влакым тунемме, сымыктыш да тӱвыра произведений- влак нерген йоча- влакын шонымашыштым вияҥдыме да ваш палдарыме мероприятий комплекс улеш. Тушто шым корно уло: театр сымыктыш, сылнымут, архитектура, сем, кинематографий, сӱрет сымыктыш да калык усталык. Республикысе тӱвыра кумдыкым умылен да пален шогаш «Школьникын тӱвыра дневникше» полша. Тудо кызыт ямдылалтеш. Проект икымше сентябрь гыч пашам тӱҥалшаш,- каласен Константин Иванов.
           Фото: Тувыра министерстве.