У автовокзал гыч автобус- влак 42 муниципал маршрут дене кошташ тӱҥалыт

                Йошкар-Олаште чоҥымо у автовокзал гыч автобус- влак 24-ше январь гыч 42 муниципал маршрут дене кошташ тӱҥалыт. Республикысе транспорт министерствын транспорт комплекс пӧлкажым вуйлатыше Роман Рзаевын мутшо почеш маршрут- влакым ямдылыме годым пассажир- влакын темлымашыштымат шотыш налме. Ситуаций эше вашталтеш. Маршрут- влак ешаралташ тӱҥалыт. Регион- влак кокласе транспортат тышеч кошташ тӱҥалже манын тыршаш тӱҥалына, каласен тудо. Тариф шотышто ак январьыште изиш кушкын. Перевозчик- влак тудым шке палемдат. Калык ак утыждене кугу манын шотла гын, антимонопольный службыш йыҥгыртен кертеш,- каласен Рзаев. Автовокзалын шке сайтше уло. Кызытеш тушто тошто адресым ончыктымо- кӱртньӧ корно вокзалым. Вашке рейс- влакын чын графикыштым на телефон номер- влакым ончыктымо лиеш. Тушеч автобус кайыме расписанийым пален налаш лиеш.