Молодогвардеец- влак кум ияш пашаштым иктешленыт

             Молодогвардеец- влак кум ияш пашаштым иктешленыт. Кодшо кечылаште «Единый Российын» Самырык гвардийжын» Марий регионысо пӧлкажын конференцийже лийын. Тушко партийын верысе пӧлкажын, Кугыжаныш Погынын, волонтёр рӱдерын, ола погынымашын еҥже- влакым ӱжмӧ ыле. «Единый Российын» Самырык гвардийжын» пӧлкажым вуйлатыше Матвей Галяутдинов штабын пытартыш кум ийыште ыштыме пашаже нерген ойлен, муниципалитетлаште органиазцийын верысе пӧлкаже- влакым ыштыме манын каласен. Тиде жапыште пӧлка политике, патриотизм, социал, спорт, экологий йодышла дене шуко пашам шукта. Пандемий жапыште волонтёр сомыллан кугу тӱткыш ойыралтеш. Лишыл жапыште «Волонтёрын транспорт картыже» проектым шыҥдараш шонат. Тидыже волонтёр- влаклан йодмаш почеш кӱлеш сатум, эмым але арверым адресат деке вашке намиен пуаш йӧным ышта. Чолга самырык еҥ- влаклан пашаштлан тауштен, тауштымашан серыш- влакым кучыктымо. Мучашлан Марий пӧлка ден «Самырык гвардийын 10-шо погынышкыжо  делегатым сайлымаш лийын. Виш йӱклымаш почеш делегатлан Матвей Галяутдиновым ойырымо.
             Фото: "Единая Россия".